Dapi il zercladur 2017 ei la scola da Sumvitg serrada. En in workshop, organisaus dalla suprastonza communala ei il diever niev dalla anteriura casa da scola vegnir examinaus. Ina gruppa da lavur sut l’egida dalla vischnaunca da Sumvitg ha lu elaborau in project per habitaziuns da tscheins che dueien vegnir messas a disposiziun a giuvenils en vischnaunca. Sco patrun dil project segna la vischnaunca. Las habitaziuns dueien esser favoreivlas e possibilitar a nossa giuvenetgna da restar cheu e buca stuer prender dimora ordeifer.
La radunonza communala dils 14 da december 2018 ha approbau il project habitar@giuven. Aschia han las habitaziuns per giuventetgna ellas anteriuras stanzas da scola a Sumvitg saviu vegnir realisadas. Ils vischins da Sumvitg han decidiu claramein da dar il credit persuenter. Quei project ei in segn per frenar la depopulaziun dalla vischnanca empauet.
Las treis habitaziuns – ina da 3 ½ e duas da 2 ½ stanzas – ein gia mobiliadas per gronda part e dapi la fin zercladur 2019 habiteschan gia ils emprems locataris ella scola da Sumvitg.