ils 30 da mars 2026
Nus fagein paun
Sonda, ils 18 d’avrel 2026 a Sogn Benedetg.
Nus fagein paun cun Vitus e ses gidonters ils 18-04-26 naven
dallas 9 uras en pistregn a sogn Benedetg.
Sche Ti has interess lu s’annunzia entochen sil pli tard ils 15-04 tier Martin Monn sin Whats-App sut 079 767 59 10.
ils 30 da mars 2026
Lavur cumina cun SumvitgViva
Sonda, ils 16 da matg 2026 envida l’uniun SumvitgViva in e scadin voluntari a far lavur cumina. Nus sentupein allas 8:00 uras sin plaz Cadruvi a Sumvitg.
Mintgin duei far aschi bien e prender buns calzers, vons ed uaffens adattai per la lavur sin differentas vias d’uaul.
Suenter la lavur offerescha l’uniun ina grillada.
Sin bien seveser, SumvitgViva
SumvitgViva
SumvitgViva ei in’uniun che secumpona da persunas che han bugen Sumvitg, ses uclauns e sia cuminonza da viver.
Ensemen creein nus ideas e sviluppein projects en favur da nies vitg. Scadin/a habitont/a, possessur/a d’ina casa ni hosp da vacanzas ei envidaus da s’engaschar ensemen cun nus da mantener ina vet’attractiva tier nus.
Il svilup persistent e cuzzont ei a nus fetg impurtonts. Las differtentas incaricas e projects dall‘uniun vegnan tgamunadas dalla suprastonza dall‘uniun e da differentas gruppas da lavur.
Mo era la veta sociala da nies vischinadi vegn promovida e mantenida cun l’uniun SumvitgViva. Occurenzas rinforzan il spért da cuminonza ed ein impurtontas per che nus savein luvrar activamein vid igl avegnir da Sumvitg.
Daventei commember dall’uniun SumvitgViva e seigies ina part da differents projects per Sumvitg.
Contact: info@sumvitgviva.ch