La primavera 2018 ha il comitée d’iniziativa da SumvitgViva inoltrau tier la vischnaunca ina damonda per sanar la cuschina en sala dalla casa da scola a Sumvitg. L’infrastructura da quella ei numnadamein dapi onns munglusa e buca adattada per occurenzas ni arranschaments publics scola. Sis uniuns han signau la moziun ensemen cun ils iniziants per mauns dalla suprastonza communala. L’executiva communala ha sin quei incaricau ina cumissiun da lavur che prepara ils detagls di project e presenta quels alla suprastonza communala per mauns dil preventiv.
Alla radunonza da vischnaunca ils 14 da december 2018 ei in credit da 44’000 francs vegnius concedius per sanar la cuschina en scola a Sumvitg. Cordial engraziament alla vischnaunca per quella decisiun positiva.
