ils 29 da november 2025
7avla Steila da Sumvitg
Ier havein nus puspei astgau festivar nossa sera d’advent annuala. Sco mintg’onn eis ei stau ina grondius’avertura el temps da Nadal. Cun punsch e vin cauld havein nus gudiu l’atmosfera pazifica en collavuraziun cun l‘uniun «dunnas VINAVON».
In higlight spezial ein ils affons stai che han presentau cun luschezia lur latiarnas zambergiadas sez. Tradiziunalmein ei il pigniel da Nadal vegnius sclarius per l’emprema gada questa sesiun e la «Steila da Sumvitg» ei vegnida surdada. Quest onn ei il premi ius all’uniun «dunnas VINAVON» per lur engaschi e la curascha da schar reviver l’uniun. Cordiala gratulaziun!
Ina sera plein cuminonza, glisch e plascher. Aschia entscheiva il temps d’advent il pli bi.
ils 25 d’october 2025
Agenda 2026
Pil proxim temps ha SumvitgViva fixau plirs termins.
Nus sperein che in ni l’auter da quels anfla siu plaz en Vossa agenda.
28-11-2025
Sera d’advent sin plaz Cadruvi a Sumvitg
28-03-2026
Radunonza generala
16-05-2026
Lavur cumina
Dapli informaziuns vegnan publicadas cheu sin nossa pagina d’internet il dretg temps.
SumvitgViva
SumvitgViva ei in’uniun che secumpona da persunas che han bugen Sumvitg, ses uclauns e sia cuminonza da viver.
Ensemen creein nus ideas e sviluppein projects en favur da nies vitg. Scadin/a habitont/a, possessur/a d’ina casa ni hosp da vacanzas ei envidaus da s’engaschar ensemen cun nus da mantener ina vet’attractiva tier nus.
Il svilup persistent e cuzzont ei a nus fetg impurtonts. Las differtentas incaricas e projects dall‘uniun vegnan tgamunadas dalla suprastonza dall‘uniun e da differentas gruppas da lavur.
Mo era la veta sociala da nies vischinadi vegn promovida e mantenida cun l’uniun SumvitgViva. Occurenzas rinforzan il spért da cuminonza ed ein impurtontas per che nus savein luvrar activamein vid igl avegnir da Sumvitg.
Daventei commember dall’uniun SumvitgViva e seigies ina part da differents projects per Sumvitg.
Contact: info@sumvitgviva.ch