Lavur cumina 10-05-2025
🌲La sonda vargada, ils 10 da matg 2025, essan nus ir cun uaffens enviers Barcuns e rumiau ensemen roma, baghegiau schurmetgs per plontas e gudiu la buna cumpignia. ☀️ Muort la bial‘aura havein lu suenter aunc astgau guder enzacontas bialas uras tier ina grillada.
Engraziel fetg a tuttas e tuts che han priu peda ed ein segidai cun nus a caschun dalla lavur cumina.
no images were found
Lavur cumina 04-05-2024
Sonda, ils 4 da matg 2024 essan sentupai a bun’ura sin plaz Cadruvi. Nies plazzal da lavur havein nus anflau a Clavadi / Con da Vitg, nua che nus havein giu da dismetter roma, dascha e lenna che sesanflva en la senda da viandar. Plinavon ei vegniu fatg remaduras vid il trutg denter Con da Vitg – Barcuns Dado e Pigniu. 31 persunas da tutta posa e vegliadetgna han priu part a nies di da lavur cumina. Silsuenter essan nus seradunai avon stalla da Sep Benedetg Candinas per gentar e star enzacontas uras da cumpignia. Igl ei puspei stau in bellezia di.
Lavur cumina 22-04-2023
La sonda vargada ein rodund 35 commembras e commembers sentupai per far lavur cumina e guder in bi suentermiezdi en buna cumpignia.
In grond engraziel fetg a tuts per lur engaschi!
Lavur cumina 28-05-2022
Lavur cumina 14-09-2019
Sonda, ils 14 da settember 2019 han entgins déls dall’uniun SumvitgViva fatg lavur cumina. Denter auter ein dus trutgs vegni schubergiai per la proxima spassegiada cheu a Sumvitg. Ed era la tabla nera ei ussa puspei libra da tuttas stitgettas e pinada per ils proxims placats.
Suenter la lavur ha l’uniun offeriu ina grillada communabla ed aschia in per bialas uras da cuminonza.
Engraziel fetg ad in e scadin per la buna lavur!
